खरावीका कारण बिद्युत सेवा बन्द

पर्वत जिल्लाको बाच्छा गाविसमा संचालित अम्डिखोला लघुजलविद्युत आयोजनमा विगत ५ महिना देखि बन्द भएको छ ।
गत साउन महिनादेखि आयोजनाको टर्वाईनमा आएको खरावीका कारण बिद्युत सेवा बन्द भएको हो । बिद्युत उत्पादन बन्द भएपछि बाच्छा गाविसका चार वडाका २ सय १० घरधुरी अन्धकारमा वस्न बाध्य भएका छन् । २१ किलोवाट क्षमताको सो लघु जलविद्युत आयोजना विगत ७ बर्ष देखि संचालनमा आएको थियो ।
आयोजना बन्द भएपछि स्थानियस्तरमा साचालित केवल नेटवर्क तथा बिभिन्न उद्यमहरु पनि प्रभाबित भएको उपभोक्ता ख्याम बहादुर गुरुङ्गले जानकारी दिनुभएको छ । विद्युत मर्मतका लागि कार्य भईरहेको उहाँले वताउनुभयो । समितिमा मर्मतका लागि प्रयाप्त बजेट नभएकाले समयमै मर्मत गर्न नसक्दा गाउँ अन्धकार बनेको हो । टर्वाईन मर्मतका लागि लगिएकाले छिटै नै आयोजनाबाट विद्युत उत्पादन हुने गुरुङ्गले जानकारी दिनुभयो ।
पर्वत जिल्लामा ग्रामीण उर्जा बिकास कार्यक्रम र जिल्ला बिकास समितिको सहयोगमा बिभिन्न दुर्गम गाउँ बिकास समितिहरुमा संचालित लघु जलबिद्युत अयोजनाबाट १ सय ५६ किलोवाट बिद्युत उत्पादन भई करिब १५ सय घरधुरीले बिद्युत उपभोग गरिरहेकाछन् ।