धौलागिरी अञ्चल बन्दको घोषणा

यहाँका उद्योगी, व्यवसायीले शुक्रवारदेखि अनिस्चितकालीन धौलागिरी अञ्चल बन्दको घोषणा गरेर आन्दोलनमा उत्रिएका छन् । प्रहरी प्रशासनले विविन्न बहाना व्यापारीलाई दुःख दिएको भन्दै उद्योग बाणिज्य संघको नेतृत्वमा धौलागिरी बन्दको घोषणा गरेर सडका ओलिएका छन् ।   प्रहरीले भारतीय नोटको अवैध कारोवार गरेको भन्दै विहिवार दुई जनालाई ३ लाख २५ हजार भारु नोट सहित पक्राउ गरेपछि व्यवसायी आन्दोलनमा उत्रिएका हुन् । नेपाल उद्योग बाणिज्य महासंघका अञ्चल प्रतिनीधि प्रमोद कुमार श्रेष्ठ नेतत्वको टोलीले प्रशासनमा ज्ञापन पत्र बुझाएर ध्यानाकर्षण गराउँदै बन्दको घोषणा गरेका हुन् । उद्योग बाणिज्य संघको नेतृत्वमा धौलागिरीका पर्वत, बाग्लुङ, म्याग्दी र मुस्ताङ बन्दको आयोजना गरेको उद्योग बाणिज्य संघ बागलुङका अध्यक्ष बसन्त कुमार श्रेष्ठले बताए ।  शुक्रवार पसल बन्द गरेका व्यवसायीले शनिवारदेखि यातायात समेत बन्द गर्ने घोषणा गरेका छन् । व्यवसायीले घरेलु मदिरा उत्पादन गर्ने उद्यमीलाई व्यवस्थापन गर्नुपर्ने, पोखरा बागलुङ सडको स्तरोन्नती गर्नुपर्ने, मुस्ताङ सडकको एकाधिकार अन्त्य गर्नुपर्ने लगायतका १०बुँदे माग समेत अगाडि सारेका छन् ।  व्यवसायीले भारतीय नोटको कारोवार गरेको अवस्था नोट कब्जा गरेको , व्यवसायीलाई प्रकाउ गरेकोप्रति ध्यानाकर्षण भएको बताउँदै भारतीय नोटको कारोवार याथसिघ्र व्यवस्थापन गर्नुपर्ने, पक्राउ परेका उद्यमी व्यवसायीलाई तत्काल रिहा गर्नुपर्ने, सुरक्षित व्यवसायीक बातावरण सृजना गर्नुपर्ने लगायतका माग गरेका छन् । व्यवसायीहरुले आज साँझ बाग्लु८मा राँके जुलुस समेत आयोजना गर्ने जनाएका छन् । प्रहरीले विहिवारा भारतको रक्सौल घर भएका ४० बर्षीय जगत गुप्ता र पर्सा जिल्ला छपकैयाका ३७ बर्षीय हिरालाल कर्णलाई ३ लाख २५ हजार भारु नोट सहित पक्राउ गरेको हो । पक्राउ गरेका दुवै जनालाई शुक्रवार भारु नोट सहित राजस्व अनुसन्धान विभाग काठमाण्डौ चलान गरिएको प्रहरी नायव उपरिक्षक उमा प्रसाद चर्तुवेदीले बताए ।