घरमा प्लास्टीककका टनेल बनाउने लहर

गणेश पौडेल 
पर्वत । 
आफ्नै घरवरीपरि रहेको जग्गामा सानै प्रयासले लाखौं रुपीयाँ कमाउन सकिने भएपछि अहिले पर्वत लुंखु देउराली गाविसका कृषकहरु घर घरमा प्लास्टीककका टनेल बनाउने लहर चलेको छ ।
अन्नबालीमा जस्तो बढि परिश्रम गर्नु नपर्ने र थोरै लगानीमा बढि फाईदा लिन सकिने भएपछि टनेलमा गोलभेडा खेती गर्न थालेकाहुन् । सुदुरदक्षिणी पर्वतको लुंखुृदेउराली गाविसका अधिकांश घरधुरीमा टनेलमा गोलभेडा खेती गर्न थालिएको छ । टनेलबाट छोटो समयमा बढि आम्दानी गर्न सकिने भएकोले यो प्रबिधि उपयुक्त भएको स्थानियबासीहरु बताउँछन् । 
टनेलमा गोलभेडा खेती गरेर यहाँका कृषकहरुले बर्षमा पचास हजार देखि एकलाख सम्म कमाई गर्ने गरेको लुंखु देउराली गाबिस वार्ड नं। २ काउलेका शेषकान्त पौडेलल बताउनुभयो । टनेल निर्माण गरेपछि आँफुलॆ राम्रो उत्पादनका साथै कमाई गर्न सफल भएको बताउनुभयो ।
पौडेलका अनुशार अहिले लुंखु गाबिसका करिब एक सय कृषकहरुले व्यवसायीक रुपमा टनेलमा गोलभेडा उत्पादन गरिरहेको बताउनुभयो । यहाँका अधिकांस कृषकहरुले पाँच वर्षदेखि व्यावसायीक रुपमा टनेलमा गोलभेडा खेती गर्दै आएकाछन् । बिभिन्न संघ संस्थाको सहयोगमा आर्थिक तथा प्राबिधिक तालिम लिएपछि यहाँका कृषकहरु टनेल खेती तर्फ आकर्शित भएका हुन् । यहाँ उत्पादित तरकारी तथा गोलभेडा कुस्मा पोखरा स्याङ्गजा लगायतका ठाउँमा बिकि्र हुने भएकाले बजारको समेत समस्या नरहेको कृषकहरुको भनाई छ ।