पर्वत पुष ५ । पर्वतको पाङ गाविसका एक किसानले इट्टा बनाउनका लागि माटो खन्ने क्रममा सानो गुफा र त्यसभित्र जीर्ण अवस्थामा रहेको मन्दीर र मूर्ति भेटीएको छ । पाङ्ग गाविस-२ कालीमाटीका हिरामणी रिजालको खेतमा इट्टा बनाउने क्रममा माटो खन्दा करिब ५÷६ फिट तल सानो तीन मिटर लामो गुफा भित्र जीर्ण अवस्थ्ाामा रहको भवन मूर्ति र घैटा भेटीएका छन् । ३ मिटर लम्बाई २ मिटर चौडाई र ३ फिट उचाइ भएको गुफाको छेउमा पानी सङ्कलन गर्ने घैटो समेत भेटिएको छ ।माटो खन्ने क्रममा यस्तो भेटीएपछि स्थानीयवासीहरु अचम्ममा परेका छन् । अहिले सो गुफा हेर्ने र मूर्तिको पूजा गर्नेहरुको भीड लागेको छ । इट्टा बनाउनका लागि माटो खन्ने क्रममा बीचमै गुफा मूर्ति र अन्य वस्तुहरु भेटिएपछि माटो खन्न बन्द गरिएको हिरामणी रिजालले जानाकारी दिनुभयो ।
No comments:
Post a Comment