आर्थर डाँडाखर्कको महोत्सवको सिआरबिटीबाट प्रचार

प्रसिद्ध धार्मिक एवं पर्यटकीय स्थल पञ्चासे तथा आर्थर डाँडाखर्कको पर्यटन विकासका लागि आयोजित महोत्सवको सिआरबिटीबाट प्रचार गर्न थालिएको छ ।

आगामी माघ १ देखि ६ गतेसम्म सञ्चालन हुने आर्थर डाँडाखर्क महोत्सवको प्रचारप्रसारका लागि आयोजकले नेपाल टेलिकमका मोबाइलको सिआरविटी र एनसिएलका मोबाइलको पिआरविटि तयार पारेको हो । गाउँमा ४० हजार भन्दा बढी पर्यटक भित्राउने उद्देश्य सहित आयोजना गरेको महोत्सवको प्रचारका लागि कलर रिङ व्याक टोन तयार पारिएको आयोजकले जनाएको छ ।

नेपाल टेलिकमका मोबाइल प्रयोगकर्ताका लागि ०१३००२४२१५ र एनसिएल प्रयोगकर्ताका लागि ६०४२०१७० बाट रिङ्ग ब्याक टोन तयार गरिएको हेा । पञ्चकोशी युवा क्लव आर्थर डाडाँखर्क र पर्यटन बिकास समितिको आयोजनामा हन लागेको सो महोत्सवको तयारी त्रि्र रुपमा भैरहेको आयोजक समितिका मनोज गुरुङले जानकारी दिनुभयो । गाउँमा पर्यटक आउने भएकाले आर्थरलाई खुल्ला दिसामुक्त गाबिस समेत बनाइने भएको छ