लायन्स क्लब अफ शिवालय कुस्माले शौचालय निर्माणका लागि सहयोग गर्ने

पर्वत पुष ७ । पर्वतको जिल्लाको विकट देउराली गाविसको लाङ्दी गाउँका अधिकांश घर शौचालय विहिन भेटिएपछि स्थानीय लाङ्दी क्लबले शौचालय निर्माणको पहल गरेको छ । लायन्स क्लब अफ शिवालय कुस्माले शौचालय विहीन भएको जानकारी पाएपछि गाउका शौचालय विहीन ५६ घरमा शौचालय निर्माणका लागि सहयोग गर्ने भएको छ ।
लायन्स क्लब अफ शिवालयका अध्यक्ष बसन्तकुमार कर्माचार्यका अनुसार गाउँका अधिकांश घर शौचालय विहिन र त्यहा बस्ने घरपरिवार गरिबी अशिक्षा चेतनाको कमीले पीडित भएकोले लायन्स क्लब डिस्ट्रीक्ट ३२५ बि नेपालको सहयोगमा प्रत्येक घरमा शौचालय निर्माण अभियान थालिएको छ । गाउका ६७ घर मध्ये ५६ घरमा शौचालय नभएको स्थानीय लाङदी क्लबका अध्यक्ष जीवन गुरुङ्गले जानकारी दिए