अन्नपुर्ण पदयात्रामा पर्ने कास्कीको दाङ्गसीङ्ग गाविस-७ देखि पर्वतको भुकताङले गाविस-३ जोड्ने ठाडोखोलमा रहेको झोलुङ्गे पुल लामो समय सम्म पनि मर्मत हुन सकेको छैन् । विगत एक वर्षहिले पुल भाँचिएपनि सम्वन्धीत निकायले
चासो नदेखाउँदा आन्तरीक तथा बाहृय पर्यटकहरु समस्यामा परेका छन् । दैनिक सयौको संख्यामा र्सवसाधारण तथा पर्यटकहरु ओहोरदोहोर गर्ने पुल भाँचिएपछि समस्यामा परेका हुन् ।
जिल्ला विकास समितिको सहयोगमा २०५८ सालमा निर्माण भएको सो पुल मर्मतमा गाविस, स्थानीय वासी र जिविस लगायतकाले चासो नदेखाउँदा मर्मत हुन नसकेको हे । हिउँदको समयमा खोलाबाट जोखीमपुर्ण यात्रा गर्दै आएपनि बर्षातको समयमा भने दुइ घण्टाको पैदल हिडेर खोला तर्न वाय भएका छन् ।
पुल मर्मत नहुँदा उक्त क्षेत्रमा आउने पर्यटकहरु पर्वतको भुकताङले गाविसमा रहको रमणीय स्थलहरु अवलोकनका लागि जानवाट बञ्चित भएका छन् । भुकताङ्ले गाविसमा रहेका भमरकोट, फलामेडाडा लगायतका प्रशिद्ध धार्मिक स्थलमा जान नसकेको स्थानीय तेजप्रसाद शर्माले बताए । उनले भने-’पुल मर्मत नहुँदा गाविसमा आउने आन्तरीक तथा वाहृय पर्यटकहरुलाई समस्या परेको छ ।’ पुल सुचारु हुँदा अन्नपुर्ण पदयात्रामा आउने पर्यटकहरु भुकताङ्ले गाविसमा जाने र केही दिन उक्त गाविसका विभिन्न स्थलहरुमा घुमेर र्फकने भएपनि पुल भाँचिएपछि जाने छाडेको उनले बताए ।
यसैविच उक्त पुल मर्मतका लागि रकम जुटाउन स्थानीय नवदीप युवा क्लवले ल्होसार पर्वको अवसरमा महोत्सव गर्ने भएको छ । पर्वतको भूकताङले गाविस स्थित लौसीबोटमा स्थानीय युवाहरुले लौसीबोट ल्होसार महोत्सवको आयोजना गरेका हुन् । क्लाधुँ तमु समाजको संयोजकत्वमा स्थानीय नवद्धिप युवा क्लवले पौष १७ देखि २१ गते सम्म सञ्चालन हुने गरी महोत्सवको आयोजना गरेको हो
No comments:
Post a Comment