भेटिएको विभिन्न आकृतिका कलात्मक सामाग्रीहरु

पर्वत पुष १३ । इट्टा बनाउनका लागि माटो खन्ने क्रममा भेटिएको विभिन्न आकृतिका कलात्मक सामाग्रीहरु परिक्षणका लागि पुरातत्व विभागमा लगिएको छ । पर्वत जिल्लाको पाङ्ग गाविस-२ कालीमाटीका हिरामणी रिजालको खेतमा गत साता इट्टा बनाउने क्रममा माटो खन्दा भेटीएका वस्तुहरु परिक्षणका लागि लगिएको हो ।

माटो खन्न्ो क्रममा करिब ५/६ फिट तल सानो तीन मिटर लामो गुफा भित्र जिर्ण अवस्थमा रहको भवन मुर्ती र घैटा भेटीएका थिए । करिव ३ मिटर लम्बाई २ मिटर चौडाई र ३ फिट उचाइ भएको उक्त गुफाको छेउमा पानी संकलन गर्ने घैटो समेत भेटिएको थियो ।

स्थानीयबासीहरुले उक्त मुर्ति तथा अन्य भेटिएका सामाग्रीहरु ऐतिहासिक र पुरातात्वीक हुन सक्ने भएको दाबी गरेपछि पुरातत्व विभागमा लगिएको बताइएको छ । संग्राहलयका अधिकृत नवराज अधिकारी सहितको टोलीले मंगलबार माटो परिक्षणका लागि लगेको हो ।