आज अपरान्ह आगलागी हुदाँ प्रहरी चौकी जलेर ध्वस्त

bj sharma darpan
पर्वत पुष २१ गते
पर्वत बेनीमा रहेको इलाका प्रहरी कार्यालयमा आज अपरान्ह आगलागी हुदाँ प्रहरी चौकी जलेर ध्वस्त भएको छ । साझँ ५ बजे सरसफाई गरिरहेको अवस्थामा बिद्युत र्सट भई आगालागी भएको जनाइएको छ ।


आगलागीका कारण प्रहरीका बन्दोबस्तिका समान र लत्ताकपडा पुरै जलेर नष्ट भएका छन भने हतियारहरु भने सुरक्षित रहेको घटनास्थलमा पुगेका म्याग्दीका प्रहृरी नायव उपरिक्षक नवराज भट्टले बताउनुभयो ।आगो नियन्त्रणका लागि बज्रदल गण म्याग्दी,जिल्ला प्रहरी कार्यालय म्याग्दी र स्थानियहरुले पहलमा नियन्त्रण गरिएको छ । साथै आगलागीका कारण स्थानिय भरत मल्लको घरमा समेत क्षती पुर्‍याएको छ भने कुनै मानबिय क्षती भने भएको छैन ।बिगत ३ बर्षअगाडी देखी स्थानिय भरत मल्लको घर भाडा लिई प्रहरी साहायक निरीषक क्षेत्रबहादुर बरुवालको कमाण्डमा ८ जना प्रहरीहरु चौकीमा बस्दै आएका थिए । आगलागीका कारण करीब ४० लाखको क्षती भएको बताइएको छ । समयमै आगो नियन्त्रण गरिएकाले आसपासका घरमा आगो फैलन पाएन ।