पर्वत पुष १५ । विद्यालयमा व्यवहारिक कार्ययोजनाद्धारा शैक्षिक पहुच कार्यक्रम संचालन भएपनि शैक्षिक सुधार भएका पर्वतमा आयोजित एक कार्यक्रमका सहभागिहरुले बताएका छन् । निवृत्त शिक्षक समाज पर्वतद्धारा वुधवार पर्वतमा आयोजित गोष्ठीका सहभागीले समाजले जिल्लाका २० विद्यालयमा साचालन गरेको कार्यक्रम जिल्लाका सबै विद्यालयमा साचालन गर्नुपर्नेमा जोड दिएका छन् ।
विद्यार्थी विद्यालयमा जानु मात्र ठुलो कुरा हैन निरन्तरता टिकाउ समेत हुनुपर्ने बताएका छन् । कार्यक्रममा निमित्त जिल्ला शिक्षा अधिकारी टेकप्रसाद पाण्डेले समाजले २० विद्यालयमा साचालन गरेको कार्यक्रम शैक्षिक सुधारका लागि महत्वपुर्ण भएको बताउनुभयो ।
निवृत्त शिक्षक समाज पर्वतका अध्यक्ष बाबुराम सुवेदीको अध्यक्षतामा सम्पन्न कार्यक्रममा शिवालय श्रोत केन्द्रका विद्यालय निरिक्षक नारायण शर्मा नेपाल पत्रकार महासंघ पर्वतका अध्यक्ष ओमप्रसाद घायल नेपाल शिक्षक युनियन पर्वतका कावा अध्यक्ष हिरादेवी पौडेल गैसस महासंघ पर्वतका अध्यक्ष देवीप्रसाद तिमिल्सीना समाजका सचिव रामप्रसाद शर्मा लगायतले बोल्नुभएको थियो
No comments:
Post a Comment