जवरजस्ती सम्बन्ध विच्छेद गराईएको भन्दै

पर्वत पुष १५ । पर्वत जिल्लाको शिवालय गाविसका कृष्ण परियार र आर्थर घर भएका अन्जु क्षेत्रीको विबाहलाई केटीका बुबा मानबहादुर क्षेत्रीले सम्बन्ध विच्छेद गराएको आरेप लगाउदै बिरोध गरिएको छ । जातीयताको विषयलाई लिएर प्रहरीकै रोहबरमा सम्बन्ध बिच्छेद भएको भन्दै धौलागिरीका कि्रयाशील दलित अधिकारकर्मी तथा विभिन्न सङ्घ सस्थाहरुले आपत्ति जनाएका छन ।
दलित उत्पीडित समुदायको साजाल बागलुङ उत्पीडित दलित समुदायको सन्जाल धौलागिरी दलित साझा सन्जाल पर्वत दलित साझा मन्च म्याग्दी छुवाछूत अपराध निगरानी केन्द्र बागलुङ दलित छुवाछूत निगरानी केन्द्र पर्वत दलित गैरसरकारी संस्था महासंघ बागलुङ र दलित सन्जाल बागलुङले आज सयुक्त विज्ञप्ती प्रकाशित गरी प्रहरीको रोहवरमा मानबहादुरले कानुनको ठाडो उल्लङ्घन गर्दै कानुनी राज्यको उपहास गरेको भन्दै भत्स्रना गरेका छन् ।
अन्तर जातिय विवाह गरेकै कारण जातिय विभेद् गरी जवरजस्ती सम्बन्ध विच्छेद गराईएको भन्दै उनीहरुलाई सँगै बाँच्ने बातावरण मिलाईदिन विज्ञप्तीमार्फत सम्बन्धीत निकायमा अनुरोध गरिएको छ । यदि वातावरण सिर्जना नभए संघर्षमा उत्रने पनि उनीहरुले चेतावनी दिएका छन्