दुर्लुङ्गकोटलाई पर्यटकीय क्षेत्रको रुपमा विकास गर्न स्थानीयवासी जुटे

पर्वत पुष १३ । जिल्लाको सदमरमुकाम सँगै जोडिएको दुर्लुङ्ग गाविसमा अवस्थित दुर्लुङ्गकोटलाई पर्यटकीय क्षेत्रको रुपमा विकास गर्न स्थानीयवासी जुटेका छन् । मनोरम दृश्यहरु देख्न पाईने र यस क्षेत्रकै अग्लो स्थानमा रहेकाले पर्यटनको प्रसस्त सम्भावना रहेका कारण सरोकारबालाहरु जुटेका हुन् । शिवालय चुवा दुर्लुङ्ग खर्कोट पाङ बनौ क्याङ लगायतका बासीन्दाहरुको साझा मन्दिरको रुपमा रहेको दुर्लुङ्गकोट प्रर्यटकीय क्षेत्र बनाउन आवश्यक तयाराीका लागि स्थानीय धिरवहादुर गुरुङ्गको अध्यक्षतामा समिति गठन भएको छ ।
सरोकारवालको भेलाले दुर्लुङ्गकोट भुमेदेवता तदर्थ समिती गठन गरेको हो । ससितीको उपाध्यक्षमा भोलाप्रसाद शर्मा सचिव पुजा गुरुङ्ग कोषाध्यक्ष ढकप्रसाद गुरुङ्ग सहसचिव रावण शर्मा रहनुभएकेा छ । भेलाले बाबुराम शर्माको संयोजकत्वमा ५ सदस्यीय विधान मस्यौदा समीती समेत चयन गरेको छ । समितिमा लोकनाथ आचार्य नारायण शर्मा प्रभु गुरुङ्ग र राजेन्द्र पहाडी रहनुभएको छ । उक्त समितीले भुमे देवताको मन्दीरलाई कसरी प्रर्यटकिय क्षेत्र वनाउन सकिन्छ भन्ने वारेमा छलफल र व्यवस्थापन गर्ने जनाएको छ