ग्रामीण बजारहरुमा अखाद्य र गुणस्तरहीन बस्तु फेला

पर्वत पुष १३ । पर्वतको सदरमुकाममा भन्दा जिल्लाका ग्रामीण बजारहरुमा अखाद्य र गुणस्तरहीन बस्तु फेला परेका छन् । बजार अनुगमन समितिले सदरमुकाम बाहिरका व्यापारीक केन्द्रहरुमा गरेको बजार अनुगमनमा अखाद्य पदार्थ म्याद नाघेका र गुणस्तहिन बस्तुहरु भेटिएका हुन् । समय समयमा सम्वन्धीत निकायवाट बजार अनुगमन नुहँदा व्यापारीहरुले आम उपभोक्ताको स्वास्थ्य माथि खेलवाड गर्दै म्याद नाघेका र गुणस्तरहिन वस्तुहरुको विकि्र वितरण गरेको पाईएको हो ।

सदरमुकाम कुश्मावजार बाहिरका व्यापारीक केन्द्रहरुमा गरिएको बजार अनुगमनका क्रममा म्याद नाघेका मिसावट भएका र मिति उल्लेख नगरीएका तथा कम्प्ानीको मुल्य भन्दा बढि वा घटिमा बेचेको पाईएको हो ।

मालढुङ्गा बेनी सडक अन्तर्गत पर्ने वारीबेनी मिलनचोक लस्ती मालढुङ्गा र सहस्रधारा तथा पातीचौर डिमुवा लगायतका बजारहरुमा अनुगमन गरिएको छ ।

जिल्ला प्रशासन कार्यालयका प्रतिनिधि सुरक्षा निकाय र उपभोक्ता माचका पदाधिकारी जिल्ला कृषि विकास कार्याल्ायका प्रतिनिधिको टोलीले गरेको बजार अनुगमनमा अखाद्य वस्तु भेटीएका हुन् ।

किराना मिठाई डेरी तथा खाद्य वस्तु विकि्र हुने सवै पसलहरु अनुगमन गरिएको उपभोक्ता माच पर्वतका संयोजक सरीता भण्डारीले जानाकारी दिनुभयो ।