लाखौं रुपैंया ऋण काढेर ग्रामिण सडक निर्माण

पर्वत पुष ४ ।पर्वतको बाजुङ गाविसका स्थानीय बासिन्दाले लाखौं रुपैंया ऋण काढेर ग्रामिण सडक निर्माण गरेका छन् । विकास निर्माणका लागि जिल्लामा भित्रिएको लाखौ बजेट वर्षेनी पि्रुज हुँदा पनि बाजुङ्ग गाविसका बासीन्दाहरुले थाप्लोमा ऋणको भारी बोकेर सडक निर्माणमा जुटेका हुन् ।उनीहरुले पोखरा बाग्लुङ्ग राजमार्गबाट ट्याक ओपन गरी करिव दुई किलोमिटर सडकऋणमा निर्माण गरी गाउँमा पुर् याएका छन् । बाजुङ्ग गाविस-२ स्थित भ्याप्लेखोलादेखि बाउसेसम्मको सडक १४ लाख रुपैयामा निर्माण सम्पन्न गरेका हुन् । गत असोज ५ गतेवाट खन्न सुरु गरिएको सो मोटरवाटो कात्र्तिक १६ गते सम्पन्न भएको थियो ।
सो मोटरवाटो निर्माणका लागि स्थानीय गाविसवाट ६० हजार वाउसे वडा नम्वर २ का स्थानीय वासीहरुको सकि्रयतामा २ लाख ८० हजार वाउसे ओखलढुङ्गा सामुदायीक वनवाट १ लाख १० हजार र वडा नम्वर का स्थानीय क्लव संगीत पुर सचेतना केन्द्र्वाट २० हजार गरी कुल आम्दानी ४ लाख ७० हजार संकलन गरिएको थियो भने वाँकी १० स्थानीय व्यक्तिहरुवाट ऋणमा चलाइएको छ ।
ऋण लिएको रकम जिल्ला विकास समिति सांसद विकास कोष र गाविस स्थानीय संघ संस्थासँग माग गर्ने योजना रहेको निर्माण संमितिका आर्थिक संयोजक यामप्रसाद अधिकारीले जानाकारी दिनुभयो । सडक निर्माण पछि बाजुङ्ग र क्याङ लेसपारका वासीन्दाहरु प्रत्यक्ष रुपमा लाभान्वित भएका छन् । सरकारले स्थानीस्तरको विकासमा ध्यान पुर् याउन नसकेकोले आफै ऋण खोजेर भएपनि रकम जुटाएर सडक निर्माण गरिएको उहाँले बताउनुभयो