लागुपदार्थ सेवन झैझगडा सुल्झाउन सामुदायिक प्रहरीको सहयोग आवश्यक

पर्वत पुष २० । पर्वत जिल्लाको धाईरिङ्ग गाविसस्थित मिलनचोकमा रहेको सामुदायिक सेवा समाजले स्थानीय स्तरमा हुने विकृति र विसंगती हटाउने उद्धेश्यले सर्वसाधारणहरु बिच अन्तरकि्रया कार्यक्रम सम्प्ान्न गरेको छ ।
कार्यक्रमका सहभागिहरुले स्थानीय स्तरमा हुने लागुपदार्थ सेवन झैझगडा लगायत समुदायमा परेका समस्याहरु सुल्झाउन सामुदायिक प्रहरीको सहयोग आवश्यक रहेको बताएका छन् । गाउँलेलाई प्रहरी कार्यालयमा पुग्ने समस्यावाट मुक्त गराउँन सामुदायिक प्रहरी स्थापना गरिएको बताएका थिए ।
कार्यक्रममा सामुदायिक सेवा समाज पर्वतका अध्यक्ष मानकुमारी गिरी स्थानीय समाजसेवी रुद्र शर्मा लगायत स्थानीय पार्टी प्रमुखहरुले आ-आफ्ना धारणा राखेका थिए ।