गाउँगाउँमा क्याम्पस सन्चालन गर्ने लहर नै

पर्वत पुष ९ । गाउँमा उच्चशिक्षाको लहरले सबै जसो गाउँ बिकास समितिमा उच्चमाबि सा्न्चालन भैसकेका छन अब गाउँगाउँमा क्याम्पस सन्चालन गर्ने लहर नै चल्न थालेको छ । गाबिसको रकम दुरुपयोग भएको र अनुत्पादक क्षेत्रमा प्रयोग भएको जनगुनासो बढिरहेको बेला पर्वतको कार्किनेटा गाबिसले रकम खर्च गरेर स्नातक तहको क्याम्पस शुरु गरेको छ । गाबिसको रकम खर्च गरेर अन्नपुर्ण उच्च माध्यामिक बिद्यालयलाई अन्नपुर्ण बहुमुखी क्याम्पस बनाइएको हो ।
गाबिसलाई शिक्षा गाबिसको रुपमा बिकास गर्नका लागि यहाँका सम्पुर्ण राजनीतिक दल शिक्षासेवी तथा अभिभावकहरु सो अभियानमा लागेका छन । उच्च शिक्षा लिनका लागि बिभिन्न शहर बजारका साथै घण्टौंको पैदल यात्रा गरेर अन्य गाबिसमा जानु पर्ने बाध्यताको अन्त्य गर्नका लागि अभिभावकहरु यस्तो अभियानमा लागेका हुन ।
क्याम्पस साचालन पछि पर्वत जिल्लाका कार्किनेटा र छिमेकी गाबिसका साथै स्याङ्गजाका बिभिन्न गाबिसका बिद्यार्थीहरुले गाउँमानै कक्षा १ देखि स्नातक तह सम्म पढ्न पाउने भएकाछन् ।